АЛМАТЫ ОБЛЫСЫНДА КОМПЛАЕНС ИНСТИТУТЫН ЕНГІЗУ БОЙЫНША СЕМИНАРЛАР ЖАЛҒАСУДА
Қазақстан Республикасының Сыбайлас жемқорлыққа қарсы заңнамасына сәйкес квазимемлекеттік сектор субъектілері ұйымның және оның қызметкерлерінің Қазақстан Республикасының Сыбайлас жемқорлыққа қарсы іс-қимыл туралы заңнамасын сақтауын қамтамасыз ету мақсатында сыбайлас жемқорлыққа қарсы Комплаенс-қызметтердің функцияларын орындайтын құрылымдық бөлімшелерді айқындауға тиіс. Осыған байланысты, сондай-ақ мемлекеттік ұйым субъектілерінде комплаенс-қызметтерді енгізу мәселелерін жалғастыру мақсатында ағымдағы жылдың 15 қыркүйегінде Алматы облысы бойынша Сыбайлас жемқорлыққа қарсы қызмет Департаменті ҚР Президенті жанындағы мемлекеттік басқару Академиясының филиалы базасында мемлекеттік қызметшілерге арналған семинар өткізді. Семинарда Алматы облысы бойынша Сыбайлас жемқорлыққа қарсы қызметінің бас маманы Қалдығожин Дәулет баяндама жасады. Кері байланыс барысында қатысушыларға барлық сұрақтарға толық жауаптар берілді. Cеминардың қорытындысы бойынша қатысушылар Комплаенс-офицерлер үшін қосымша білім алуға қызығушылық танытты.
